Eng muhim qoida

Ishlaydi

Nega ikkita maydon

Bitta ijro ikkita mustaqil narsani o’z ichiga oladi:

Savol	Maydon
Agent o’z ishini tugatdimi?	`status`
Tashqi dunyoda effekt bo’ldimi?	`operations[].status`

Ular bog’liq emas. Agent muvaffaqiyatli javob berishi, lekin SMS ketmasligi mumkin — va bu normal holat, xato emas.

{
  "status": "completed",
  "operations": [
    { "capability_id": "notification.send_sms", "status": "UNKNOWN" }
  ]
}

Yuqoridagi javobda: agent javob berdi, SMS yetganmi — noma’lum.

Bu qanday yuz beradi

Konnektor timeout bersa, xato modelga qaytariladi. Model esa javobini baribir yozadi — chunki u foydalanuvchiga nimadir aytishi kerak. Amal Ledger’da UNKNOWN bo’lib qoladi va reconciliation uni keyin aniqlaydi.

Amal holatlari

Holat	Ma’nosi	Sizga nima qilish kerak
`VERIFIED`	✅ Manbadan tasdiqlandi. Yagona «bajarildi» ma’nosi	Davom eting
`ACKNOWLEDGED`	Konnektor javob berdi — transport, natija emas	Kuting
`UNKNOWN`	⚠ Natija noma’lum	⛔ Qayta yubormang. Kuting
`MANUAL_REVIEW`	Mas’ul ko’rigida	Konsolda hal qilinadi
`FAILED`	Aniq rad javobi — effekt bo’lishi mumkin emas	Xavfsiz qayta urinish mumkin

To’g’ri va noto’g’ri kod

Noto’g’ri — eng ko’p uchraydigan xato:

n = dx.run(...)
if n.status == "completed":
    print("SMS yuborildi!")        # ⛔ YOLG'ON bo'lishi mumkin

To’g’ri:

n = dx.run(...)

if n.verified:
    print("SMS yetkazildi")        # ✅ manbadan tasdiqlangan
elif n.unknown:
    print("Natija noma'lum — kuting, qayta yubormang")
else:
    print("Bajarilmadi")

Nega bunday qilingan

Ko’p platformalar HTTP 200 ni «bajarildi» deb hisoblaydi. Bu xato:

konnektor so’rovni qabul qildi — bu transport;
provayder uni qayta ishladi — bu boshqa narsa;
effekt haqiqatan bo’ldi — bu uchinchi narsa.

Davirix faqat uchinchisini VERIFIED deb belgilaydi va buni manbadan qayta o’qib isbotlaydi. Read-back bo’lmasa — ACKNOWLEDGED da qoladi va bu halol javob.

Keyingi qadam

Holatlar jadvali — 12 ta ijro holati va 7 ta amal holati
Idempotentlik — dublikatdan qanday himoyalanish
5 daqiqada birinchi ijro